अनुप जोशीको कविता : खुट्टाहरु

-अनुप जोशी 

खुट्टाहरु गतिशील हुन्छन्

पाईतालाहरुले नयाँ नयाँ छाप बनाईरहेकै हुन्छन्

खुट्टाहरु-

जो नांगो छन्

खुट्टाहरु-

जो चप्पलमा टेकिएका छन्

खुट्टाहरु-

जो जुत्ताभित्र विराजमान छन्

चप्पल पनि फरक फरक योग्यताका

जुत्ता पनि फरक फरक मूल्यका

के सबैले बनाउने छाप उस्तै हुन्छ ?

के सबैलाई काँडाले गर्ने व्यवहार उस्तै हुन्छ ?

मलाई जान्न मन लाग्यो !

कसको पैतालाको डोब यस धर्तीमा

सबैभन्दा लामो समयसम्म बाँचिरहन्छ ?