रशिक राजको कविता : प्रश्न
-रशिक राज
मैले कुनै एकलपुरुषको
चिरा परेका ओठमा मुस्कान दलिदिदा।
कसैको भोग सँग आफ्नो भोक साँट्दा।
छोरीको भविष्यका लागि
आफनो वर्तमानझैं कुरुप शुक्रकिटसँग योवन बेच्दा।
म फूलमाया ! फूलमाया रहीन!!!
*****
ए!! फूल!!!
तिमीले पनि
आफ्नो सुन्दरता साट्यौ
प्रेमीको गुप्ताङ्ग सँग।
हृदयको सुवास बेच्यौ
उच्च ओहदासँग।
नाङ्गियौ सुहागरातका
भव्य खाटहरुमा।
ल भन!!
तिमी कसरी वेश्या भईनौ???
Leave a Comment